Մայիսի 9-10-ը «Բաց ավազան» ենթադրամաշնորհային նախագծի շրջանակներում կայացավ առցանց ինտերակտիվ դասընթաց «Գլոբալ և լոկալ բնապահպանական հիմնախնդիրներ» թեմայով։
Դասընթացի առաջին օրը Գեղարքունիքի մարզի նախագծի մասնակից 20 երիտասարդներ, իրենց մարզի բնապահպանական հիմնախնդիրների և դրանց լուծման հնարավոր լուծումների մասին քննարկման հնարավորություն ունեցան մարզպետ Գնել Սանոսյանի հետ։
Քննարկման առանցքային թեման Սևանա լիճն էր։ Մարզպետ Սանոսյանը լինելով մասնագիտությամբ աշխարհագրագետ և ունենալով աշխատանքային փորձ բնապահպանության ոլորտում, պատկերավոր և հստակ էր ներկայացնում բնապահպանական հիմնախնդիրները, միաժամանակ ինտերակտիվ քննարկման միջոցով, պատասխանում էր մասնակիցներին հուզող հարցերին։ Մարզպետը ներկայացրեց այն հիմնական ծրագրերը, որոնք կյանքի կոչվելու դեպքում կնպաստեն տուրիզմի զարգացմանը, սոցիալ-տնտեսական խնդիրների լուծմանը և մարզի կայուն զարգացմանը։
Դասընթացի երկրորդ օրը մասնակիցները կրկին ինտերակտիվ ձևով քննարկեցին իրենց մարզի և համայնքի բնապահպանական հիմնախնդիրները։ Արդեն տասներկու տարի Գեղարքունիքի մարզի բնապահպանական հիմնախնդիրներով զբաղվող «Բեջան» ՀԿ-ի նախագահ Լիաննա Ասոյանը և Երևանի Օրհուս կենտրոնի համակարգող Սիլվա Այվազյանը գիտելիքներ հաղորդեցին Հայաստանի կողմից վավերացված միջազգային բնապահպանական կոնվենցիաների, գլոբալ և լոկալ հիմնախնդիրների մասին։ Վերջիններս կիսվեցին իրենց փորձով խնդիրների վերհանման, դրանք հանրայնացնելու և հնարավոր լուծումների ուղիներ գտնելու հնարավորությունների մասին։ Կարևորվեց յուրաքանչյուրի դերը իրենց իրենց համայնքը և մարզը զարգացնելու և բարգավաճելու գործում։ Այն հիմնական հարցերը, որոնք մանրամասն քննարկվեցին հետևյալն էին․
- Սևանա լճի պահպանություն,
- թափոնների կառավարում,
- հանքարդյունաբերության ազդեցության նվազեցում,
- փոքր ՀԷԿ-երի ազդեցության նվազեցում գետային էկոհամակարգերի վրա,
- Էկոլոգիական կրթություն և դաստիարակություն
Մասնակիցները ներկայացրեցին կանաչ և խելացի համայնքի իրենց տեսլականը, որը առաջին հերթին նրանք պատկերացնում էին համայնքի բնակիչների և երկրորդ տուրիստներին ներգրավման համար։ Նրանք նկարագրում էին իրենց ապագա ծրագրերը՝ էներգախնայող տեխնոլոգիաներով հագեցած ինֆրակառույցներ, ջերմատնային տնտեսություններում էկոմթերքների աճեցում, էկոդպրոց, էկոհյուրատների ցանց, թափոնների վերամշակում և երկրորդային օգտագործում և այլն։
Ծրագրի ավարտին մասնակիցները կիրականացնեն քայլարշավ-աղբահավաքություն Սևանա լճի ափերով, որը ենթադրում է մաքուր շրջակա միջավայր ունենալու քարոզչություն։
Հիշեցնենք, որ «Բաց ավազան» նախագիծն իրականացվում է«Բլեջան» բնապահպանական, սոցիալական, բիզնեսի աջակցության ՀԿ-ի ջանքերով՝ «ԵՄ հանունմշակույթի. առավելուժեղհամայնքներ և տեղականնախաձեռնություններ» ծրագրիշրջանակներում։ Ծրագիրնիրականացվում է Եվրոպականմիությանֆինանսականաջակցությամբ՝ Գերմանիայիժողովրդականբարձրագույնդպրոցներիմիությանմիջազգայինհամագործակցությանինստիտուտի (Դի-Վի-ՎիԻնթերնեյշնալ), Մեդիանախաձեռնություններիկենտրոնի, Թանգարաններիաշխատողների և բարեկամներիասոցիացիայի և Ժողովրդավարականկրթությանհայկականկենտրոն – ՍԻՎԻՏԱՍ ՀԿ կողմից։